Croeso i Ysgol Gyfun Treorci

Braint yw arwain ysgol sydd wrth galon ei chymuned ac sydd â threftadaeth falch, ysbryd cymunedol cryf ac ymrwymiad di-baid tuag at sicrhau’r dyfodol gorau ar gyfer pob person ifanc. Rydym am ddarparu amgylchedd meithringar sy’n gynhwysol ac yn uchelgeisiol lle mae pob disgybl yn teimlo eu bod nhw’n cael eu gwerthfawrogi a’u parchu. Rydym am ysbrydoli pob disgybl i ddatbyglu’r hyder, gwybodaeth a sgiliau sy’n angenrheidiol er mwyn bod yn llwyddiannus yn yr ysgol ac yn y dyfodol.

Mae egwyddor yr ysgol yn cael ei seilio ar ein gwerthoedd craidd sef Parch, Cyfrifoldeb ac Uchelgais. Maen nhw wrth wraidd ein cwricwlwm ehangach, fel rhan annatod o’n hystafelloedd dysgu a’r ffordd yr ydym yn gweithio gyda’n gilydd fel ysgol. Rydym yn falch o gynnig ystod eang o gyfleoedd sy’n galluogi disgyblion i ddarganfod diddordebau newydd, chwarae chwaraeon, astudio’r celfyddydau a datblygu eu sgiliau meddwl beirniadol a’u sgiliau arwain. Rydym yn falch o lwyddiannau ein disgyblion ac yn dathlu’r talentau, diddordebau a chyfraniadau amrywiol sy’n gwneud ein hysgol yn lle fywiog i ddysgu.

Yn Ysgol Gyfun Treorci, credwn fod perthynasoedd cryfion, disgwyliadau uchel ac ymrwymiad gan bawb tuag at ragoriaeth yn sail i addysg rhagorol. Mae parch ar y ddwy ochr, caredigrwydd a disgwyliadau uchel yn sail i bopeth a bydd yn helpu ein disgyblion i fod yn ddinasyddion hyderus, cyfrifol a charedig.

Mae ein staff ymroddedig yn gweithio’n ddi-baid i ddarparu profiadau dysgu sy’n herio ac yn ysbrydoli ein disgyblion tra’n cefnogi eu lles a datblygiad personol. Mae’n hollbwysig i ni fod pob disgybl yn ein gadael gyda chymwysterau ardderchog yn ogystal â’r rhinweddau personol, gwydnwch a charedigrwydd i lwyddo mewn byd sy’n newid o hyd.

Gobeithiaf fod y safle we hon yn rhoi mewnwelediad amhrisiadwy i fywyd yn Ysgol Gyfun Treorci a’r gwahanol brofiadau sydd ar gael i’n disgyblion. Trwy weithio gyda disgyblion, teuluoedd, staff a’r gymuned ehangach, byddwn yn parhau i greu ysgol lle mae pob person ifanc yn cael ei ymbweru a’i ysbrydoli i lwyddo gyda’r sgiliau perthnasol i wneud gwahaniaeth yn y byd.

Gerard McNamara
Pennaeth Dros Dro